þroskaþjálfar

Hittingur eftir sumarið 2009 :)

Mon, 31 Aug 2009 00:18:50 GMT

Sæl öll aftur.

Þá er komin dagsetning og staðsetning á hittinginn:

Þriðjudagurinn 8. september á Kaffi París í Kringlunni klukkan 20:00.

Vonandi sjáumst við sem flest kæru "gömlu" bekkjarfélagar :)

Kveðja,

Lilja Ö.

Jæja allt og allir í sumarfríi???

Sun, 09 Aug 2009 12:13:38 GMT

Hæ öll sömul.

Það liggur við að ég sé hætt að kíkja hér inn á þessa síðu þar sem enginn virðist hafa neitt að segja ;)

Hvernig er það annars, er einhver til í hitting í næsta mánuði?? Það ætti að vera margt um að spjalla þar sem við höfum ekki hist ansi lengi, sumarfrí búið, börn fæðst og önnur elst osfrv. :)

Endilega látið í ykkur heyra.

Kveðja,

Lilja Ö.

Starf í boði

Mon, 30 Mar 2009 21:25:58 GMT

Sælt veri fólkið
Mig langaði að biðja ykkur um smá greiða, mig stórvantar þroskaþjálfa í starf hjá mér og ekki verra ef hann er tilbúinn að koma í yfirþroskaþjálfastöðu í Svöluási hjá SMFR og enn síður ef það er einhver úr okkar hóp :lol: En ef engin von er þar, þá væri meiriháttar ef þið getið komið þessu áfram á ykkar vettvang. Það er krefjandi og mikið starf í vændum en auðvitað mjög skemmtilegt.

Bestu kveðjur
Elín, forstöðuþroskaþjálfi Svöluás
Frekari upplýsingar :
e-mail: elinb@smfr.is
S: 565-0301 / 866-9596

Hittingur enn og aftur :)

Mon, 16 Mar 2009 09:32:43 GMT

Sælt veri fólkið sem kíkir hér inn.

Nú er blásið til hittings fimmtudaginn 19. mars á Kringlukránni kl. 20:00.

Endilega mæta sem flestir og blara um allt sem er í gangi hjá hverjum og einum.

Kveðja,

Lilja Ö.

og þá var eftir ein...

Sat, 10 Jan 2009 21:22:49 GMT

Eins og glöggir bekkjarfélagar hafa tekið eftir þá fékk ég þá dellu í hausinn að fjölga mannkyninu og eignaðist Val og Ágústu 23 april í fyrra.

Aldrei hefði mig þó grunað að ég myndi smita svona skemmtilega út frá mér eins og raun bar vitni... Rakel, Hildur, Stefý, Helga Hrönn, Guðrún Helga og Helga Dögg tóku sig til og voru settar á 6 mánaða tímabili.. Rakel átti Sólon í sept, Hildur átti Halla í okt, Stefý átti Fanney í nóv og Helga Hrönn átti strák núna í des. Þá voru eftir Guðrún Helga og Helga Dögg, settar í jan og feb.. Eitthvað var nú strákurinn hennar Guðrúnar Helgu að flýta sér en hann mætti röskur á svæðið í morgun 11 merkur og 49 cm.

STELPUR til hamingju, og Helga mín, hlakka til þegar prinsessan þín mætir :)

En núna eru ekkert svona margar stelpur bomm lengur.. er ekki nýtt holl að byrja :)???

kv. Eva

Stelpa :)

Mon, 24 Nov 2008 15:20:54 GMT

Hæ öll.

Mig langaði bara að láta ykkur vita að Stefý og Valli eru búin að eignast litla prinsessu, kom í heiminn í gær :)

Innilega til hamingju og bíðum eftir myndum ;)

Kv. Lilja Ö.

Hittingur :)

Fri, 31 Oct 2008 13:55:10 GMT

Sælt veri fólkið.

Jæja þá er það ákveðið með öllum greiddum atkvæðum (mínum;)) að hittingur verður á

Kaffi París, Kringlunni, þriðjudaginn 4. nóvember kl. 19:30

Sjáumst sem flest hress og kát.

Nefndin (ónefnda):d

Hittingur 4 nóv???

Mon, 27 Oct 2008 14:15:42 GMT

Sælt veri fólkið.

Jæja er ekki kominn tími á hitting? Er fólk til í að hittast á þriðjudaginn 4. nóv? Hugmynd af stað er vel þegin þar sem Milano er orðinn aðeins þreyttur....ekki nóg úrval og svoleiðis hehehe.

Látið nú í ykkur heyra.

Frétti líka að Hildur væri búin að eignast sætan prins :) Til hamingju Hildur :d

Kveðja, Lilja Ö.

hvað er títt kæra fólk!

Fri, 19 Sep 2008 22:28:31 GMT

hæhæ frábæra fólk,

hvað er títt, komin fleiri börn, nýjir makar, gamlir makar, ný störf eða kannski bara þau gömlu góðu?

Ég skal byrja... ekkert að frétta er heima í fæðingarorlofi og hef það gott :)

Núna finnst mér að þið eigið að vera ógeðlega dugleg að skrifa ritgerðir í athugasemdirnar sem ég get dundað við að lesa!

kveva!

Hittingur 2. sept ????

Wed, 20 Aug 2008 11:11:12 GMT

Hæ hó öllsömul.

Jæja enn og aftur er ég komin í skipulagningu (get greinilega ekki látið þetta í friði) því nú finnst mér löngu kominn tími á hitting, er það ekki??

Hvernig hljómar þriðjudagurinn 2. september á Kaffi Milanó kl. 19:30??

Endilega látið í ykkur heyra, ætli ég reyni ekki að minna á þennan góða vef með pósti (mér tókst loksins að taka út þessa andsk... reunion niðurtalningu sem löngu er búin) ;)

Handboltakveðjur,

Lilja Ö.

Er ekkert að frétta?

Tue, 24 Jun 2008 21:55:46 GMT

Halló öll sömul.

Er ekkert nýtt að frétta af fólkinu??

Ég var að koma frá Bandaríkjunum af fötlunarfræði ráðstefnu þar sem mikið var af fólki sem meðal annars var að greina alls konar bækur og myndir en líka flottar rannsóknir sem eru að klárast eða eru klárar.

Svo verður bara farið í sveitina á hestbak og einhverjar útilegur en ætla samt ekki að vakna við hestastóð um miðja nótt vera að gæða sér á bílum og tjöldum eins og Helga Hrönn lenti í um daginn :)

Endilega látið í ykkur heyra ef eitthvað skemmtilegt, leiðinlegt, skrítið, skondið eða bara eitthvað gerist hjá ykkur í sumar.

Kveðja,

Lilja Ö.

Takk fyrir okkur

Fri, 13 Jun 2008 00:19:57 GMT

Langaði bara að þakka kærlega fyrir okkur :)

Og takk Lilja og Helga Hrönn fyrir heimsóknina í dag og með því.. er ennþá með sykurtönn hihi :)

Svo finnst mér að fjölgunarfólkið eigi að skrá það hérna í athugasemdunum svo maður geti fylgst með:lol:

En mér finnst svaka gaman að sjá hvað við erum dugleg að fjölga mannkyninu, enda almennilegur stofn hér á ferð!

Vonandi eru þið öll hress og sjáumst kannski á röltinu í sumar (ég er þessi með flotta breiða vagninn fyrir stóra barnið eins og frændi minn sagði)

Kveva og tvibbarnir (sem eru alger kjútípæ þó ég segi sjálf frá hihi)

Þroskaþjálfar

Wed, 04 Jun 2008 18:49:18 GMT

Sæl veriði
Ég komst því miður ekki á fundinn, en vonandi verið allt í lagi og allir hressir eins og ætíð !!;)
Jæja þá er mínum áfanga náð, ég er komin með diplómu í rekstrar og viðskiptanámi og alveg ferlega ánægð ;) Ég hætti í Selinu 20. júní, enn eftir að fá mér vinnu, en það kemur eitthvað í hendurnar á manni að lokum ;) og 22. júní fer ég til York í Englandi í enskuskóla í tvær vikur. Þetta er enn eitt markmiðið sem ég setti mér, heyrt að það sé alveg ferlega gaman. Og því langar mig að spyrja hvernig segir maður þroskaþjálfi á ensku ? :/ Þið eruð svo miklir snillar og endilega segið mér ;) híhí
Bestu kveðjur
Elín

Hittingur 3. júní n.k. á Kaffi Mílanó!!

Mon, 19 May 2008 14:15:16 GMT

Nú þurfa allir sem mögulega geta að mæta á Kaffi Mílanó þann 3. júní n.k. sem er fyrsti þriðjudagur mánaðarins. Þetta er sennilega síðasti séns að hittast áður en fólk dettur í sumarfríin sín og gaman að ná sossem einum hittingi áður en þau ósköp dynja á fólki. Mæting klukkan 20.00, er þetta ekki málið? ha? hmmm....jú ég held það....

Krílin komin :)

Wed, 23 Apr 2008 22:28:44 GMT

Hæ hó þið sem kíkið hér inn.

Mig langaði bara að láta ykkur vita að Eva er komin með krílin sín í hendurnar (sá myndir af þvílíkum krúttum á barnasíðunni hennar). ;) :)

Kveðja,
Lilja Ö.